ორმხრივი ურთიერთობები

ურთიერთობები საქართველოსა და სლოვენიის რესპუბლიკას შორის

დიპლომატიური ურთიერთობები საქართველოსა და სლოვენიის რესპუბლიკას შორის დამყარდა 1993 წლის 18 იანვარს.

თანამშრომლობის ძირითადი სფეროები

საქართველოსა და სლოვენიის რესპუბლიკას შორის არსებული ორმხრივი ურთიერთობები დინამიურად ვითარდება. ამასთან, აქტიურია თანამშრომლობა საერთაშორისო ორგანიზაციების ფარგლებში.

ქვეყნებს შორის ხელმოწერილია 7 შეთანხმება, რომლითაც რეგულირდება კულტურის, განათლების, ორმაგი დაბეგვრის თავიდან აცილების, მგზავრებისა და ტვირთების საერთაშორისო საავტომობილო ტრანსპორტირების, ხანმოკლე ვიზის აღების ვალდებულებისგან სამსახურეობრივი პასპორტების მფლობელთა გათავისუფლების და ეკონომიკური თანამშრომლობის საკითხები.

შეინიშნება ეკონომიკური თანამშრომლობის გაღრმავების ტენდენცია. 2016 წელს, სლოვენიის და საქართველოს სავაჭრო სამრეწველო პალატებს შორის ხელი მოეწერა თანამშრომლობის მემორანდუმს.

2016 წელს, საქართველოს პრეზიდენტის სლოვენიაში პირველი ოფიციალური ვიზიტისას, ლიუბლიანაში, თბილისის ქუჩაზე მდებარე სკვერში საქართველოსა და სლოვენიას შორის „მეგობრობის სკამი“ გაიხსნა.

საქართველოსა და სლოვენიას შორის დაძმობილებული ქალაქები არიან თბილისი - ლიუბლიანა და ქუთაისი - მარიბორი.

ბმულები

სლოვენიის რესპუბლიკის საგარეო საქმეთა სამინისტრო
სლოვენიის რესპუბლიკის პრეზიდენტი
სლოვენიის რესპუბლიკის ეროვნული ასამბლეა (პარლამენტი)
სლოვენიის რესპუბლიკის ეროვნული საბჭო (პარლამენტი)
სლოვენიის რესპუბლიკის მთავრობა